|
|
|
 |
16.09.2009
ԺԱՄԱՆԱԿԱՎՈՐ ՀԱՆՁՆԱԺՈՂՈՎԻ ԵԶՐԱԿԱՑՈՒԹՅԱՆ ՔՆՆԱՐԿՈՒՄԸ ՀԵՏԱՁԳՎԵՑ
Այսօր` ժամը 14:30-ից, Ազգայն ժողովի նիստում պատգամավորների դատին է ներկայացվելու ԱԺ «Մարտի 1-ի» ժամանակավոր հանձնաժողովի եզրակացությունը: Այն պետք է քննարկվեր ավելի շուտ, սակայն «Ժառանգություն» խմբակցության պատգամավորները հայտարարեցին, որ 132 էջանոց եզրակացությունը իրենց է ներկայացվել շատ ուշ և իրենք չեն հասցրել ծանոթանալ դրա բովանդակությանը:
«Այս փաստաթուղթը կարիք ունի, լուրջ քննարկման, ուստի առաջարկում ենք հետաձգել դրա քննարկումն ավելի պատեհ պահի», -հայտարարեց պատգամավոր Անահիտ Բախշյանը:
ԱԺ փոխնախագահ Արևիկ Պետրոսյանը, ի պատասխան, հայտարարեց, որ եզրակացությունը խմբակցություններին բաժանվել է ժամանակին, ուստի նրանք կարող էին այդ ժամկետներում պատրաստվել ու ծանոթանալ նյութին:
Երբ պատգամավորների ու ԱԺ փոխնախագահի միջև հեռակա երկխոսությունը շարունակվեց, ԱԺ նախագահ Հովիկ Աբրահամյանի որոշմամբ, Ժամանակվոր հանձնաժողովի եզրակացության քննարկումը հետաձգվեց միչև ժամը 14:30-ը:
Նկատենք, որ եզրակացության քննարկմանը մասնակցելու նպատակով խորհրդարան են եկել նաև ժամանակավոր հանձնաժողովի դիտորդ անդամները:
Աղբյուր` Panorama.am
|
|
|
|
